ഏഷ്യാ കപ്പ് പോരാട്ടത്തില്‍ പാകിസ്താന്റെ രണ്ട് വിക്കറ്റുകള്‍ വീഴ്ത്തി ഇന്ത്യ. ഹാര്‍ദിക് പാണ്ഡ്യയും ജസ്പ്രീത് ബുംറയുമാണ് വിക്കറ്റുകള്‍ വീഴ്ത്തിയത്. രണ്ട് ഓവര്‍ പൂര്‍ത്തിയാവുന്നതിന് മുന്നേ പാകിസ്താനെ പ്രതിരോധത്തിലാക്കാന്‍ ഇന്ത്യയ്ക്ക് സാധിച്ചു.
ടോസ് നേടി ആദ്യം ബാറ്റിങ്ങിനിറങ്ങിയ പാക് പടയ്ക്ക് ഓള്‍റൗണ്ടര്‍ സയിം അയൂബിന്റെ വിക്കറ്റാണ് ആദ്യം നഷ്ടപ്പെട്ടത്. അയൂബിനെ റണ്‍സൊന്നുമെടുക്കാന്‍ അനുവദിക്കാതെ ഹാര്‍ദിക് ജസ്പ്രീത് ബുംറയുടെ കൈകളിലെത്തിക്കുകയായിരുന്നു. സ്‌കോര്‍ ബോര്‍ഡില്‍ ഒരു റണ്‍ മാത്രം ഉണ്ടാകുമ്പോഴാണ് അയൂബ് ഗോള്‍ഡന്‍ ഡക്കായി മടങ്ങിയത്.
തൊട്ടടുത്ത ഓവറില്‍ ബുംറയും വിക്കറ്റ് വീഴ്ത്തി. വണ്‍ഡൗണായി എത്തിയ വിക്കറ്റ് കീപ്പര്‍ ബാറ്റര്‍ മുഹമ്മദ് ഹാരിസിനെ (3) ബുംറ ഹാര്‍ദ്ദിക്കിന്റെ കൈകളിലെത്തിക്കുകയായിരുന്നു.
Content Highlights: Asia Cup 2025: Pakistan loss Two Wickets against India in Dubai